بعد سهر وبدون نوم لمتابعه ماتش الاهلي وباتشوكا المكسيكي في صباح يوم السبت الموافق 13/12
والساعه دلوقتي 7 الا ربع ميعاد الماتش
وبدأ ومع دعوات الاهلاويه بس
لاني اكتشفت ان مافيش حاجه اسمها روح رياضيه ولا تشجيع فريق منافس في البطولات اللي المفروض بيلعب بيها بره تحت اسم المحروسه اللي بيقولوا عليها
كلنا اكتشفنا ان الاهلي بيلعب ووراه جمهوره وبس
وجمهوره اللي بيحبه مش اللي بيشجعه علشان بيكسب
وفي الدقيقه 28 جول بامضاء ابو تريكه يهز القلوب ويطير النوم ويفرح ويدي امل
وفي الدقيقه 45 جول يثبت الامل للفهد الانجولي
وبانتهاء الشوط الاول وبالنتيجه دي قلبنا كان هايقف من الفرحه وانا حاسه ان نص الحلم في ايدينا
وببدايه الشوط التاني وجول ملغي بداعي التسلل اللي انا وكتير مننا مش شايفينه
وبعدها بدقيقه جول فاول بره المنطقه وانذار لاحمد السيد
واحساس مؤكد انها جول وده لان اغلب المتابعين عارف ان الفريق ده هداف من الضربات الثابته بره المنطقه
وده اللي اتكرر مع شادي في الجول الثاني
سبحان الله متأكدين ان اضعف حاجه في باتشوكا الدفاع وحارس المرمي ورغم كده ماهاجمناش
حاجه تطير العقل السليم
ياربنا
سيبت الماتش بعد الجول التاني وانا متأكده انه الحلم راااااااااااااح خلاص
اسباب الخساره كتير
مقهوره عليها طبعا
بس عمري مافقد الثقه في فريقي اللي بعشقه
صحيح كان نفسي علي الاقل مانقلش عن 2006 بس اهو اللي حصل بقي
الواحد عامل زي اللي واخد صدمه
بس بيحاول يركز
ونفسي الكاتكيت الصفرا والفراخ البيضا يتلموا
اللهم لا شماته يعني بس بصراحه حاجه تشل
ادعي عليك بايه وانت فيك كل العبر...............!!!!!!!
فرق مفضوحه في كل حته وجمهورها له نفس يتكلم
علي راي واحد قالها حكمه البلد دي اتقسمت قسمين قسم بيشجع الاهلي وقسم بيشمت في الاهلي
بس خلاص
بلا قرف
8 comments:
قدر الله وما شاء فعل
يلا أهي حاجة علشان العين
وعين الحسود فيها عود
يمكن غرور ولا ايه
المروض يغيروا نظام البطولة حتي لو نظام المجموعات
مش بمجرد عثرة يضيع كل شئ
ربنا يوفق الاهلي في المباريات القادمة
وشكر لكم
hasona
انا لحد دلوقتي مش بفهم نظام البطوله
علي اي اساس فريق يلعب يادوب قبل النهائي زي مانشستر
وفريق يلعب ماتشين وفريق يلعب 3
عموما احنا خسرنا البطوله بغلطاتنا مش بحد تاني
ويمكن جول بركات له تاثير
حصل خير
بصي احلي جمله سمعتها ع الصبح يوميها
ومن واحد اهلاوي متعصب جدا
قال ايه
بقي انا اصحي من الفجر عشان عيال ولا تتيييييييييييتتت
هههههههههه
عموما الاهلي ياما فرح الاهلاويه وزعل منه ناس كتير
جه دور عليه يزعل الاهلويه عشان الباقي يفرح فيه
والله ما شوفت زيك يا اهلي في احمراره ههههه
اللهم لا شتماته
احمد علام
هههههههههههههههههههه
حلوه الضحكه دي صح
ياريت اكون فهمت صح انك من الربع الضارب اللي مش اهلاوي
عموما الاهلي هايفضل يوجع كده عالطول
واللي يشوف بلاوي الناس تهون عليه بلوته
ولو الاهلي خسر في اليابان اعرف ناس بتخسر في دوري المعاقين
وربنا يخليلكم الاهلي اللي فرحكم بدل مافريقكم منكد عليكم
وافتقدم الرجوله فافتدتم لتعاطفنا
كركركركركركر
ابقي العب بعيد
سلام
أسباب الهزائم المتتالية:
أصل الفريق كان مشتت الذهن بيفكر في ماتش السوبر الافريقي في فبراير.
جوزيه كان مدخرا مجهود المحمدي و العجيزي حتي يفاجئ مانشستر يونايتد في النهائي.
الفريق تلقي تحذيرات جدية من وكالة المخابرات الامريكية بعدم استخدام الاحذية في القذف.
احمد حسن لم يتمكن من ذبح عجل الاضحية في الملعب بعد تهديد جمعيات حقوق الحيوان.
الفريق أراد تحطيم رقم قياسي جديد بالاضافة لكونه اكثر الفرق مشاركة في البطولة (ثلاث مرات) فهو اكثر الفرق هزيمة (خمسة مرات) في المنديال و الفريق الوحيد الحاصل علي المركز السادس مرتين
أمير عبد الحميد اراد ان يثبت ان
الفرق بينه و بين السمكة ان السمكة بتدخل الشبكة مرة واحدة في حياتها لكن امير يستطيع دخول الشبكة و الخروج منها عدد غير محدود بلا نهاية.
اصرار أمير علي لبس الزي الاخضر البرسيمي فكان طور الله في برسيمه.
فشل جوزيه في التخلص من شادي "بتسريبه" علي الرغم من الجولات الحرة المتكررة.
شادي اراد ان ينهي حياته الكروية بتكريم خاص و تحية وداع تتناقلها وكالات الانباء. جاهز يا زايدي ؟
Love-Guru علليه النعمه انت عسل ههههههه يا مان العيب في النظام
ويقولك الرجوله وبتاع
مال الرجوله ومال الاهلي
طيب عايز يكسب يكسب بالناشئين مش
يسررررررررررق في الاعيبه
مش يطفش اللاعيبه من انديتها
مش يدمر في الفرق التانيه ويقولو عليه احتراف
احتراف اه لما الفرق التانيه تكون معاها فلوس تشتري لعيبها زي ما الاهلي بيعمل
من قلبي وحياة ربنا انا بجد بكره الاهلي زي ما بكره كل حرامي
مسابش اكل لواحد معندوش غير الاكل ده
سيبونا نفرحكم زي ما ال ايه بتفرحونا اه اخطفو ابتزو في اللعيبه وبعد كده فرحونا بيهم بلا نيله
يوووووووه احنا لسه هنعيده من تاني
هوه ده الاهلي وهيه دي مصر
احمد و love
انا مافيش اطول من بالي في المناهده
واوقات في قله الادب والمعايره
واظن سادس العالم افضل بكتيييييييييييييير من سادس الدوري المصري
نفسي بس تمسكوا روحكوا لتنزلو دوري المظاليمن ونشوفكوا في استاد بلدنا
وعموما اذا لم تستح فافعل ما شئت
وعذركوا معاكوا من اللي فريقكوا عاملوه فيكوا مابقاش في دم
لو بتحسوا كنتوا اتكسفتوا علي دمكوا
اما اللي يسيب مصايبه ويشوف مصايب غيره فده واحد لا تعليق عليه
نفسي بقي تخليكوا في الاسود اللي لابسينه
ولا عيبه تييييييييييييت اللي بتقلوها للعبيتكوا
ويلا كل واحد علي بيته
ضلمتوني الشويه دول
الله الله علي ردود الدكاترة الاهلوية
طب احب اعرف سعادتك انني اهلاوي اصيل و لكن شر البلية ما يضحك ومداواة الاحباط بالنكتة ده فن مصري اصيل و هو افضل من خداع النفس ودفن الرؤس في الرمال
و انا ماليش في المعايرة و لا في قلة الادب و لا طولة اللسان يمكن نقد لاذع او نكت ساخرة لكن لا تجريح شخصي
و الدكتورة تخصصها ايه؟ ما تقوليش بعد الردود العصبية أقدر أخمن
كان الله في عون الباشمهندس
!!
Love-Guru
Post a Comment